స్టార్ హీరో నాని, డైరెక్టర్ వివేక్ ఆత్రేయ కాంబోలో తెరకెక్కుతున్న పాన్ ఇండియా మూవీ ‘సరిపోదా శనివారం’. సినిమా పేరు తగ్గట్టుగా వారాంతంలో సినిమా గురించిన ఏదో ఒక అప్డేట్ ఇస్తూ విభిన్నంగా ప్రమోషన్స్ చేస్తున్నారు మేకర్స్. ఈ చిత్రం నుంచి ఇటీవల నాట్ ఏ టీజర్ వీడియో విడుదల చేసిన చిత్రబృందం తాజాగా శనివారం సినిమాలోని కీలక పాత్రల ఫస్ట్లుక్స్ను రిలీజ్ చేశారు. భద్రగా అదితీబాలన్, గోవర్ధన్గా అజయ్, కూర్మానంద్గా మురళీశర్మ, నారాయణ ప్రభగా అజయ్ ఘోష్ క్యారెక్టర్స్ను పరిచయం చేశారు.
ఇంకా ఈ సినిమాలో మార్టిన్ ‘కాళి’గా, హర్షవర్ధన్ ‘సుధ’గా, శుభలేఖ సుధాకర్ ‘కమలాకర్’గా నటిస్తున్నట్టు పరిచయ చిత్రాలను విడుదల చేశారు. ఈ చిత్రంలో ప్రత్యేకంగా కనిపించే ‘సోకులపాలెం’కు సంబంధించి ఆకర్షణీయమైన పోస్టర్ను కూడా రివిల్ చేశారు. ‘మార్ డాలా’ అనే క్యాప్షన్తో విడుదల చేసిన హీరో నానిని సూర్యగా పరిచయం చేసింది చిత్రబృందం. ఈ సినిమాను ఆగస్టు 29న మొత్తం ఐదు భాషల్లో విడుదల కానుంది.