1. సీఎంను గోకి తన్నించుకోవడం ఎందుకు? 
2. కేటీఆర్‌పై కాంగ్రెస్ నేత జగ్గారెడ్డి ఫైర్  

హైదరాబాద్, నవంబర్ 26 (విజయక్రాంతి): బీఆర్‌ఎస్ వర్కిం గ్ ప్రెసిడెంట్ కేటీఆర్‌పై పీసీసీ వర్కింగ్ ప్రెసిడెంట్ జగ్గారెడ్డి ఫైర్ అయ్యారు. ‘కాంగ్రెస్ పార్టీ ఓ కల్పవృక్షం.. మర్రి చెట్టులాంటిదని, కాంగ్రెస్ పార్టీ వేర్లు కాదు.. ఈక కూడా పీకలేవు. సీఎం రేవంత్‌రెడ్డిని గోకుడు ఎందుకు.. తన్నించుకోవడం ఎందుకు?’ అంటూ జగ్గారెడ్డి మండిపడ్డారు.

మంగళవారం గాంధీభవన్‌లో మీడియాతో ఆయన మాట్లాడుతూ సోనియా, రాహు ల్‌గాంధీలది త్యాగాల కుటుంబమని, వాళ్ల త్యాగాల ముందు మీరేంత, కాంగ్రెస్ కల్పవృక్షం నుంచే కేసీఆర్ లీడర్ అయిన విషయం తెలుసుకోవాలని హితవు పలికారు. కాంగ్రెస్ పార్టీ సంజీవినిలాంటిదని, భూమి మీద మానవుడు ఉన్నంతకాలం పార్టీ ఉంటుందన్నారు. కాంగ్రెస్ పార్టీ తెలంగాణ ఇచ్చిన విషయాన్ని కేటీఆర్ గుర్తుకు తెచ్చుకోవాలన్నారు.

సోనియాగాంధీ తెలంగాణ ఇవ్వకపోతే ఉమ్మడి రాష్ట్రంలో తిరిగి కాంగ్రెస్ పార్టీ లేదంటే టీడీపీ అధికారంలోకి వచ్చేందని ఆయన అభిప్రాయపడ్డారు.