1. జూడా హత్యాచారం సంఘటనా స్థలంలో.. 
2. వైరల్ అయిన వీడియోలపై పోలీసుల క్లారిటీ

కోల్‌కతా, ఆగస్టు 31:  కోల్‌కతా వైద్య విద్యార్థిని అత్యాచారం, హత్య కేసులో రోజుకో విషయం వెలుగు చూస్తోంది. హత్య జరిగిన తర్వాత సెమినార్‌హాల్‌లోని సంఘటనా స్థలం వద్ద చాలా మంది ఆసుపత్రికి చెందని వ్యక్తులు ఉన్నట్లు రెండు వీడియోలు వైరల్ అయ్యాయి. ఇందుకు సంబంధించి కోల్‌కతా పోలీసులు వివరణ ఇచ్చారు. ఆ వీడియోల్లో కనిపించిన వ్యక్తులు ప్రత్యక్షంగా దర్యాప్తులో పాల్గొన్నవారేనని స్పష్టం చేశారు. ఇందుకు సంబంధించి రెండు ఫొటోలను పోలీసు విభాగం విడుదల చేసింది. స్థానిక పోలీసులు సంఘటనా స్థలానికి చేరిన వెంటనే ఉదయం 10.30 గంటలకు ఆ ప్రదేశాన్ని మూసివేసినట్లు తెలిపారు. ఆధారాలను చెరిపేసేందుకు ఎలాంటి అవకాశం లేకుండా చేశామని స్పష్టంచేశారు. ఫొటోల్లో ఎవరెవరు ఏ విధుల మీద సంఘటనా స్థలంలో ఉన్నారో పోలీసులు వివరించారు.