హీరో సత్యదేవ్, కన్నడ స్టార్ డాలీ ధనంజయ నటించిన సినిమా జీబ్రా’. ఈశ్వర్ కార్తీక్ దర్శకత్వం వహించిన ఈ చిత్రాన్ని పద్మజ ఫిలింస్ ప్రైవేట్ లిమిటెడ్, ఓల్డ్ టౌన్ పిక్చర్స్ బ్యానర్‌పై ఎస్‌ఎన్ రెడ్డి, ఎస్ పద్మజ, బాల సుందరం, దినేశ్ సుందరం నిర్మించారు. ప్రియా భవానీ శంకర్, జెన్నిఫర్ పిషినాటో హీరోయిన్లుగా నటించారు. నవంబర్ 22న ప్రేక్షకుల ముందుకు వచ్చిన ఈ చిత్రం ప్రస్తుతం థియేటర్లలో సందడి చేస్తోంది.

ఈ సందర్భంగా ఈ మూవీ మేకర్స్ ఆదివారం సక్సెస్ మీట్ నిర్వహించారు. జీబ్రా బొమ్మ సూపర్ హిట్ సక్సెస్ మీట్’ పేరుతో నిర్వహించిన ఈ కార్యక్రమంలో హీరో సత్యదేవ్ మాట్లాడుతూ.. మనిషిగా ఈ సినిమాతో చాలా ట్రాన్స్‌ఫర్మేషన్ అయ్యాను. సినిమాలో ప్రతి పాయింట్‌కి ఒక లాజిక్ ఉంటది. ఒకవేళ మిస్ అయ్యింటే రెండోసారి చూసినప్పుడు కనెక్ట్ అవుతారని భావిస్తున్నా. ఈశ్వర్ కార్తీక్ ఐదేళ్లు కష్టపడి తెలుగు నేర్చుకుని తెలుగులో సినిమా చేయాలని దీన్ని చేశారు’ అన్నారు. ఇంకా ఈ కార్యక్రమంలో డైరెక్టర్ ఈశ్వర్ కార్తీక్, నిర్మాత దినేశ్ సుందరం మాట్లాడుతూ.. తమ అభిప్రాయాలను, అనుభవాలను పంచుకున్నారు.