మైత్రీ మూవీ మేకర్స్, హై-బడ్జెట్ ఎంటర్‌టైనర్‌లను నిర్మించడమే కాకుండా కంటెంట్- రిచ్ మూవీలను రూపొందిస్తోంది. ఈ క్రమంలోనే దర్శకుడు ఫణీంద్ర నర్సెట్టితో కలిసి నవీన్ యెర్నేని, వై రవిశంకర్ కాన్సెప్ట్ బేస్డ్ మూవీ ‘8 వసంతాలు’ను నిర్మిస్తున్నారు. ఈ చిత్రంలో అనంతిక సనీల్‌కుమార్ హీరోయిన్‌గా నటిస్తోంది. ఇందులో ఆమె శుద్ధి అయోధ్య పాత్రలో కనిపించనుంది.

ఈ చిత్రం  ఫస్ట్ లుక్ పోస్టర్, గ్లింప్స్‌తో ఇప్పటికే మంచి బజ్ క్రియేట్ చేసింది. ఇక శుక్రవారం విడుదలైన టీజర్.. విడిపోవడం వల్ల కలిగే బాధలతో ఉన్న కన్న పసునూరిని అవంతిక ఓదార్చడంతో ప్రారంభమవుతుంది. “ఎవరి తుపానులు వారికి ఉంటాయి లోపల.. కొందరు బయట పడతారు, ఇంకొందరు ఎప్పటికీ పడరు..

అంతే తేడా” అంటూ సాగే డైలాగ్ క్యారెక్ట ర్స్ బ్యాక్ డ్రాప్‌ని ఎమోషనల్‌గా ప్రజెంట్ చేసింది. అనంతిక పాత్ర ఆకట్టుకుంటుంది. ఈ టీజర్‌లో కన్న పసునూరి, హను రెడ్డి పాత్రలను కూడా పరిచయం చేశారు. మొత్తంగా ఈ సినిమాపై అంచనాలు అయితే బాగానే ఉన్నాయి.