రాజేంద్రనగర్, నవంబర్ 29: దుండగులు వైన్స్ గోడకు కన్నం పెట్టి లోపలికి చొరబడి చోరీకి పాల్పడ్డారు. ఈ ఘటన శంషాబాద్ పీఎస్ పరిధిలోని పాల్మాకుల ఎస్‌వీపీ లక్ష్మీనర్సిం హ వైన్స్‌లో జరిగింది. ఇన్‌స్పెక్టర్ నరేందర్‌రెడ్డి కథనం ప్రకారం.. గుర్తుతెలియని వ్యక్తులు గురువారం అర్ధరాత్రి వైన్ షాప్ గోడకు కన్నం పెట్టి లోపలికి చొరబడ్డారు. మద్యం దుకాణంలో ఉన్న మందు సీసాలను అపహరించారు. శుక్రవారం ఉదయం విషయం గమనించిన షాప్ నిర్వాహకులు సమాచారం ఇవ్వడంతో పోలీసులు ఘటనా స్థలాన్ని పరిశీలించారు. కేసు నమోదు చేసి దర్యాప్తు చేస్తున్నట్లు ఎస్‌ఐ పేర్కొన్నారు.