నితిన్ హీరోగా తెరకెక్కుతున్న చిత్రం ‘తమ్ముడు’. శ్రీరామ్ వేణు దర్శకత్వంలో శ్రీ వేంకటేశ్వర క్రియేషన్స్ సంస్థ నిర్మిస్తున్న ఈ సినిమా ప్రస్తుతం శరవేగంగా చిత్రీకరణ జరుపుకొంటోంది. కాగా, ఈ మూవీ రిలీజ్ డేట్‌ను మేకర్స్ సోమవారం ప్రకటించారు. మహాశివరాత్రి పర్వదినం సందర్భంగా ఈ చిత్రాన్ని ప్రపంచవ్యాప్తంగా థియేటర్ల ద్వారా రిలీజ్ చేయనున్నట్టు వెల్లడించారు.

అనౌన్స్‌మెంట్ పోస్టర్‌లో నితిన్ కాగడా చేత పట్టుకొని, భుజాన పాపను ఎత్తుకుని పరుగెడుతుంటే.. ఊరి ప్రజలు కూడా కాగడాలతో ఆయన వెంటే వస్తుండటం ఈ సినిమాపై అంచనాలు పెంచుతోంది. సీనియర్ హీరోయిన్ లయ కీలక పాత్ర పోషిస్తున్న ఈ చిత్రానికి సంగీతం: అజనీష్ లోకనాథ్; సినిమాటోగ్రఫీ: కేవీ గుహన్; నిర్మాత: దిల్ రాజు, శిరీష్; రచన -దర్శకత్వం - శ్రీరామ్ వేణు.