ఎమ్మెల్సీ దండే విఠల్

కాగజ్‌నగర్, ఏప్రిల్ 1, (విజయక్రాంతి): ప్రభుత్వం ప్రజా పంపిణీ వ్యవస్థను ప్రతిష్టాత్మకంగా తీసుకుందని ఉమ్మడి ఆదిలాబాద్ జిల్లా ఎమ్మెల్సీ దండే విఠల్ అన్నారు. కాగజ్ నగర్ ఇందిరా మార్కెట్‌లోని రేషన్‌షాపులో అదనపు కలెక్టర్ డేవిడ్, సబ్ కలెక్టర్ శ్రద్ధ శుక్లతో కలిసి లబ్ధిదారులకు సన్నబియ్యం పంపిణీ చేశారు.

ఈసందర్భంగా ఎమ్మెల్సీ మాట్లాడుతూ.. ప్రజా సంక్షేమమే లక్ష్యంగా కాంగ్రెస్ ప్రభుత్వం పని చేస్తుందని, సన్నబియ్యం పంపిణీ ద్వారా పేదలకు మరింత లబ్ధి చేకూరుతుందన్నారు. ప్రతి లబ్ధిదారుడు సన్న బియ్యం వాడుకోవాలని దళారులకు అమ్ముకోకూడదన్నారు. ఈ కార్యక్రమంలో తహసీల్దార్ కిరణ్‌కుమార్, మాజీ జడ్పీ చైర్మన్ గణపతి, నాయకులు షబ్బీర్, శరత్, తుడూరు విజయ్ తదితరులు పాల్గొన్నారు.