18 November, 2024 | 5:53 AM
విద్యుత్ తీగలు తగలి వ్యాన్ దగ్ధం
18-11-2024 03:45:27 AM
కామారెడ్డి, నవంబర్ 16 (విజయక్రాంతి): నిజామాబాద్ జిల్లా ముప్కాల్ మండలం కొత్తపల్లి వద్ద ఆదివారం ఉదయం ధాన్యం కొనుగోలు కేంద్రానికి వస్తున్న వ్యాన్ లక్ష్మీ కెనాల్ వద్ద విద్యుత్ తీగలు తగలడంతో క్యాబిన్‌లో మంటలు అంటుకున్నాయి. డ్రైవర్ తయ్యబ్‌కు మంటలు అంటుకోవడంతో స్వల్ప గాయాలయ్యాయి. అగ్ని కీలలు వ్యాన్ మొత్తం వ్యాపించడంతో వాహనం నుంచి కిందకు దిగాడు. వాహనం మాత్రం పూర్తిగా దగ్ధమైంది. అగ్నిమాపక సిబ్బంది వచ్చి మంటలను ఆర్పినప్పటికీ లాభం లేకుండా పోయింది.
