చర్ల (విజయక్రాంతి): భద్రాద్రి కొత్తగూడెం జిల్లా చర్ల మండలంలో మూడు రోజులపాటు జరిగే గిరి పుత్రుల ప్రదాన పండుగ సమ్మక్క సారక్క పండుగ బుధవారం ఘనంగా ప్రారంభమైంది. వన దేవతలకు మొక్కులు తీర్చే సమ్మక్క సారక్క జాతర ప్రతి రెండేళ్లకొకసారి మూడు రోజుల పాటు గిరిజన సంప్రదాయ నిర్వహిస్తారు. చిన్న మేడారం ఎదురు గుట్టల సమ్మక్క సారక్క జాతర మొదటి రోజు రాత్రి మునుపెన్నడు లేని విధంగా జిగేల్ మనిపించేల దివ్య కాంతులతో ఎదుర గుట్టల ప్రాంగణం వెలుగులు విరజిమ్ముతూ కనిపించింది.

ఈ జాతర ఫిబ్రవరి 12, 13, 14, బుధ, గురు, శుక్ర వారాల్లో మూడు రోజుల పాటు వైభవంగా నిర్వహిస్తారు. బుదవారం గుట్టదేవరను గద్దె మీదకు తీసుకొచ్చుట, గురువారం సమూలమ్మ గుట్టనుండి వనదేవతలు గద్దె మీదకు వస్తారు. శుక్రవారం గంగా స్నానంతో మొక్కుబడులు చెల్లించుకున్న అనంతరం దేవతలు వన ప్రవేశం చేస్తారు. సుమారు ఈ జాతరకు నాలుగు రాష్ట్రాల నుండి తెలంగాణ, ఛత్తీస్‌గఢ్, ఆంధ్రప్రదేశ్, ఒడీస్సా నుండి భక్తులు వేలాదిగా తరలివస్తారు. ఈ ఏడాది అన్ని ఏర్పాట్లు చేశామని సమ్మక్క సారక్క ఆలయ కమిటీ తెలియజేశారు.