హీరో సిద్దార్థ్ నటిస్తున్న చిత్రం ‘మిస్ యూ’. దర్శకుడు ఎన్ రాజశేఖర్ తెరకెక్కిస్తున్న ఈ సినిమాలో ఆషిక రంగనాథ్ హీరోయిన్‌గా నటించారు. సినిమా నవంబర్ 29న విడుదల కానున్న నేపథ్యంలో మేకర్స్ ప్రీ రిలీజ్ ఈవెంట్ నిర్వహించారు. ఈ సందర్భంగా హీరో సిద్ధార్థ్ మాట్లాడుతూ.. “రాబోయే సంక్రాంతి నాకు చాలా ముఖ్యం. 20 ఏళ్ల కిందట ‘నువ్వొస్తానంటే నేనొద్దంటానా’తో తెలుగు ప్రేక్షకుల ముందుకు వచ్చాను.

ఇప్పుడు నేను తెలంగాణ అల్లుడిగా ఇక్కడ నిలబడ్డా. తెలుగువాళ్లు ఇక్కడ సినిమాలెందుకు చేయట్లేదని అడుగుతున్నారు. ఆ విషయం మీరు సినిమాలు తీసేవాళ్లను అడగాలి. ‘లవ్ ఫెయిల్యూర్’ తర్వాత ప్రేమ కథలు చేయొద్దని కఠిన నిర్ణయం తీసుకున్నా. అప్పుడున్న సిద్ధార్థ్ వేరు ఇప్పుడు కనిపిస్తున్న వ్యక్తి వేరు. ఈ సినిమా సక్సెక్ అయితే ప్రేమ కథల ట్రెండ్ మళ్లీ మొదలవుతుంది. చాలా రోజుల తర్వాత క్యూట్ లవ్‌స్టొరీతో ప్రేక్షకుల ముందుకు రాబోతున్నాను.

గిబ్రాన్ ఈ సినిమా కోసం ఎనిమిది సూపర్బ్ ట్యూన్స్ ఇచ్చారు. మ్యూజికల్ లవ్‌స్టొరీగా రూపొందిన ఈ సినిమా మీద నాకు నమ్మకం ఉంది. ఈ సినిమా తర్వాత నాకు మరిన్ని మంచి లవ్‌స్టోరీస్ రాబోతున్నాయి” అన్నారు. ఇంకా ఈ కార్యక్రమంలో ఆషికా రంగనాథ్, చిత్రబృందం పాల్గొన్నారు.