42 మందికి గాయాలు

పెబ్బేర్,  నవంబర్ 15: వనపర్తి జిల్లా పెబ్బేర్ మున్సిపల్ పట్టణ సమీపంలో 44వ జాతీయ రహదారిపై శుక్రవారం తెల్లవారుజామున ట్రావెల్ బస్సు అదుపు తప్పి పంట పొలాల్లోకి దూసుకెళ్లింది. 42 మంది ప్రయాణికులు గాయాలపాలయ్యారు. తెలిపిన వివరాల ప్రకారం. పెద్దపల్లి జిల్లా ఊరంపల్లి గ్రామానికి చెందిన 14 మంది, కరీంనగర్ జిల్లా దుర్షేడ్ గ్రామానికి చెందిన 35 మంది ప్రయాణికులు బస్సులో అలంపూర్ జోగుళాంబ అమ్మవారి దర్శనానికి వెళ్లుతున్నారు.

పెబ్బేర్ సమీపంలో బస్సు అదుపు తప్పి పొలాల్లోకి దూసుకెళ్లింది. ఘటనలో ఐదుగురికి తీవ్ర గాయాలయ్యాయి. 37 మందికి స్వల్ప గాయాలయ్యాయి. స్థానికులు క్షతగాత్రులను వనపర్తి జిల్లా ప్రభుత్వ ఆసుపత్రికి తరలించారు. బస్సు డ్రైవర్ జాగ్రత్త వహించి బస్సును పొలాల్లో నిలుపుచేయడంతోనే పెను ప్రమాదం తప్పిందని ప్రయాణికులు చెప్తున్నారు.