హుషారు వంటి వైవిధ్యమైన చిత్రంతో ప్రేక్షకులను మెప్పించిన యువ హీరో తేజస్ కంచర్ల. ఆయన కథానాయకుడిగా నటిస్తున్న మరో చిత్రం ‘ఉరుకు పటేల’. ‘గెట్ ఉరికిఫైడ్’ అనేది ట్యాగ్ లైన్. లీడ్ ఎడ్జ్ పిక్చర్స్ బ్యానర్‌పై వివేక్ రెడ్డి దర్శకత్వంలో కంచర్ల బాల భాను నిర్మిస్తున్నారు. ఇప్పటికే చిత్రీకరణ పూర్తి కాగా, ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. సెప్టెంబర్ 13న విడుదల కానున్న ఈ సినిమా నుంచి మేకర్స్ సోమవారం ‘పట్నం పిల్ల..’ అనే పాటను విడుదల చేశారు.

గ్రామీణ నేపథ్యంలో భావోద్వేగాల ప్రధానంగా సాగే ఈ చిత్రంలోని తాజాగా లిరికల్ సాంగ్ గురించి చెప్పాలంటే.. హీరోయిన్ పట్నం నుంచి సెలవులకు పల్లెటూరుకి వస్తుంది. అక్కడ హీరో ఆమెను చూసి మనసు పారేసుకుంటాడు. తన మనసులోని ప్రేమలో తెలియజేసేందు తను పడే పాట్లు, మనసులోని భావాలను వ్యక్తం చేసే పాట ఇదని అర్థమవుతోంది. ఈ పాటను కాసర్ల శ్యామ్ రాయగా, రాహుల్ సిప్లిగంజ్ ఆలపించారు. సంగీతం: ప్రవీణ్ లక్కరాజు; సినిమాటోగ్రఫీ: సన్నీ కూరపాటి.