చేయూత ట్రస్టు సేవలు అభినందనీయం...

తహశీల్దార్ ముజాయిద్...

బూర్గంపాడు (విజయక్రాంతి): ఆపదలో ఉన్న నిరుపేదలకు సహాయం చేస్తే భగవంతుడికి సహాయం చేసినట్లేనని మానవసేవే మాధవసేవ అని బూర్గంపాడు మండల తహశీల్దార్ ముజాహిద్ అన్నారు. సోమవారం మండల పరిధిలోని మొరంపల్లి బంజర్ గ్రామం రైతు వేదికలో చేయూత ట్రస్ట్ ఏర్పాటు చేసిన సమావేశంలో ముఖ్య అతిథులుగా పాల్గొన్నారు. ముందుగా చేయూత ట్రస్టు సభ్యులందరికీ ట్రస్ట్ ఐడీ కార్డ్స్ ను ఆవిష్కరించి అందించారు. ఈ సందర్భంగా ఆయన మాట్లాడుతూ... నేటి సమాజంలో ప్రతి వ్యక్తి స్వార్థంతో జీవిస్తున్నారని అలాంటి సమాజంలో ఎవరి జీవితం వారిదేనని బిజీ బిజీగా ఉండే సమయంలో కూడా నిరుపేదలను ఆదుకోవాలని సంకల్పంతో చేయూత ట్రస్ట్ ను ఏర్పాటు చేసి విద్య వైద్య అనే రెండు ప్రధాన రంగాలను ఎంచుకొని ఆర్థిక సహాయం అందిస్తూ పేదరిక కుటుంబాల్లో వెలుగులు నింపుతున్న చేయూత ట్రస్ట్ ని ప్రత్యేక అభినందనలు తెలిపారు. సేవ అనేది గొప్ప వరమని సేవ చేసే గుణం ఉన్నవారు భగవంతుడు కంటే గొప్పవారని కొనియాడారు. చేయూత ట్రస్టు కేవలం బంజర గ్రామమే కాకుండా మండలం ఇతర మండలాల్లో కూడా అనేక సేవా కార్యక్రమాలు చేయడం సంతోషంగా ఉందన్నారు. బ్లడ్ ఆర్గనైజేషన్, మెడికల్ క్యాంపు, కాలుష్యంపై అవగాహన కార్యక్రమాలు, నిరుపేదలు చదువుకునేందుకు గ్రంధాలయం ఏర్పాటుకు శ్రీకారం, ఇలాంటి కార్యక్రమాలు చేయటం పేద ప్రజల మనసును తడుతున్నాయన్నారు.

సహాయం అన్నది అడగకుండానే చేసే మనస్వత్వం కలిగిన వారు చేయూత ట్రస్ట్ సభ్యులు కావటం ఆ ట్రస్టు ముందుకు సాగటంలో విజయం సాధించినట్లేనని అన్నారు. ట్రస్ట్ కార్యక్రమంలో పాల్గొంటూ తన అదృష్టమని అన్నారు. భవిష్యత్తులో కూడా మరిన్ని మంచి కార్యక్రమాలు చేపట్టి నేటి సమాజానికి సేవ అనే పదానికి చేయూత అనే పేరు కీర్తించేలా అడుగులు వేయాలని ఆకాంక్షించారు. అనంతరం ట్రస్టు సభ్యులందరికీ ఐడీ కార్డులు పంపిణీ చేశారు. అనంతరం పలువురు గ్రామ పెద్దలు మాట్లాడుతూ... చేయూత ట్రస్టు టీంకు ఎల్లప్పుడూ పూర్తి సహాయ సహకారాలు అందిస్తాయని తెలిపారు. ఈ కార్యక్రమంలో మేడం లక్ష్మీనారాయణ రెడ్డి, సారెడ్డి దామోదర్ రెడ్డి, అలవాల సీతారామిరెడ్డి, పంచాయతీ కార్యదర్శి భవాని, వ్యవసాయ విస్తరణ అధికారిణి వైష్ణవి, ట్రస్ట్ గౌరవ అధ్యక్షులు కే వెంకటేశ్వర్లు, ట్రస్ట్ చైర్మన్ కైపు లక్ష్మీనారాయణ రెడ్డి, వైస్ చైర్మన్ నాగిరెడ్డి, ప్రధాన కార్యదర్శి జె.మల్లారెడ్డి, కోశాధికారి పుట్టి రాజేష్, సహాయ కోశాధికారి గాదె నర్సిరెడ్డి, గౌరవ అధ్యక్షులు కైపు చిన్ననాగిరెడ్డి, సభ్యులు వెంకట్రామిరెడ్డి, మేడం లక్ష్మిరెడ్డి, బి. బాలు, తమ్మినేని శ్రీనివాసరావు, కామిరెడ్డి వెంకటరెడ్డి, కామిరెడ్డి నరసింహారెడ్డి, కంకర నరసింహారెడ్డి, బొబ్బల వెంకటరామిరెడ్డి, కామిరెడ్డి వెంకట నాగిరెడ్డి, ట్రస్ట్ సభ్యులు తదితరులు పాల్గొన్నారు.