హీరో విజయ్ ఆంటోనీ మరో కొత్త సినిమా ‘హిట్లర్’తో అలరించనున్నాడు. విజయ్ ఆంటోనీతో గతంలో ‘విజయ్ రాఘవన్’ మూవీని నిర్మించిన చెందూర్ ఫిల్మ్ ఇంటర్నేషనల్ సంస్థ తమ 7వ ప్రాజెక్ట్‌గా ఈ తాజా సినిమాను నిర్మించింది. డీటీ రాజా, డీఆర్ సంజయ్ కుమార్ నిర్మాతలు. యాక్షన్ థ్రిల్లర్ కథతో దర్శకుడు ధన తెరకెక్కించిన ఈ సినిమా ఈ నెల 27న హిందీ, తమిళ, తెలుగు, మలయాళ, కన్నడ భాషల్లో విడుదలవుతోంది. ఈ నేపథ్యంలో మేకర్స్ గురువారం ఈ సినిమా ట్రైలర్‌ను రిలీజ్ చేశారు.

‘ఈ ప్రపంచంలో నిజమైన పవర్ అన్నది డబ్బు, అధికారం కాదు ఒక మనిషిని నమ్మి అతని వెనకున్న జనమే’ అనే డైలాగ్‌తో ట్రైలర్ ప్రారంభమవుతుంది. పొలిటికల్ డ్రామా, యాక్షన్, లవ్, రొమాంటిక్ ఎలిమెంట్స్‌తో ట్రైలర్ ఇంప్రెస్ చేస్తోంది. రియా సుమన్, గౌతమ్ వాసుదేవ్ మీనన్ తదితరులు ముఖ్య పాత్రల్లో నటిస్తున్న ఈ చిత్రానికి సినిమాటోగ్రఫీ: ననీన్ కుమార్.ఐ; సంగీతం- వివేక్, మెర్విన్; స్టంట్స్: జి.మురళి.