1. * చట్టసభల నియమాలు ఎమ్మెల్యేలు, ఎమ్మెల్సీలు తెలుసుకోవాలి
2. * గాలివాటం రాజకీయాలతో కొత్తవాళ్లు మళ్లీ గెలవడం లేదు 
3. * శాసనమండలి చైర్మన్ గుత్తా సుఖేందర్‌రెడ్డి 

హైదరాబాద్, డిసెంబర్ 11 (విజయక్రాంతి): ‘ప్రజా ప్రతినిధి పదవి అనేది మహోన్నతనమైనది. అందరికీ ఈ పదవి దక్కదు. అదృ ష్టం ఉన్న వారికి మాత్రమే దక్కుతుంది. గత పదేళ్లలో ఎమ్మెల్యేలు, ఎమ్మెల్సీలకు  ఎప్పు డూ శిక్షణ తరగతులను  నిర్వహించలేదు.  ప్రస్తుత  ప్రభుత్వంలో నిర్వహించుకుంటు న్నాం’ అని శాసనమండలి చైర్మన్ గుత్తా సుఖేందర్‌రెడ్డి పేర్కొన్నారు.

ఎమ్మెల్యేలు, ఎమ్మెల్సీలకు రెండు రోజుల పాటు ఓరియంటేషన్  ప్రోగ్రాంను  మండలి చైైర్మన్ గుత్తా, శాసనసభ స్పీకర్ గడ్డం ప్రసాద్, శాసనసభ వ్యవహారాల మంత్రి శ్రీధర్‌బాబు, డిప్యూటీ చైర్మన్ బండ ప్రకాశ్‌లు బుధవారం జ్యోతి ప్రజ్వలన చేసి ప్రారంభించారు

ఈ సందర్భంగా గుత్తా మాట్లాడుతూ..  లేజిస్లేచర్‌కు సంబంధించిన పుస్తకాలను ప్రతి ఎమ్మెల్యే, ఎమ్మెల్సీ చదివి చట్టసభలకు సంబంధించిన అంశాలపై అవగాహన పెంచుకోవాలని సూచించారు.

119 ఎమ్మెల్యేల్లో 57 మంది నూతనంగా ఎన్నికైన వారేనని.. వారంతా కచ్చితంగా ఈ ప్రోగ్రాంను సద్వినియోగం చేసుకోవాలన్నారు. ప్రజల మనసుల చదివితేనే ప్రజా ప్రతినిధులు అవుతారని,  ఈ ఐదేళ్లు ప్రజలతో మమేకమైతేనే భవిష్యత్‌లో గెలుస్తామన్నారు. ‘ప్రస్తుతం ఎన్నికల ఖర్చు కూడా విపరీతంగా పెరిగింది. 

సామాన్యుడు కూడా పోటీ చేసేవిధంగా ఉండాలి. రాజకీయాల్లో ఉన్నప్పుడు విమర్శలు రావడం సహ జం.  భయపడకుండా ప్రతి విమర్శతో ముం దుకెళ్లాలి’ అని సుఖేందర్‌రెడ్డి అన్నారు. గాలివాటం రాజకీయాలు మొదలైనప్పటి నుంచి కొత్తవాళ్లు మళ్లీ గెలవడం లేదని.. మొదటిసారి గెలిచిన వారిలో 25శాతం మందే సక్సెస్ అవుతున్నారన్నారు. ఎమ్మెల్యేలు ఫోన్లు దగ్గర పెట్టుకోవాలని, ఎవరైనా ఫోన్ చేస్తే నేరుగా మాట్లాడాలి అని సూచించారు. ‘నేను ఒకసారి ఓడిపోవడానికి సెక్యూరిటీ సమస్యే కారణమైంది. ప్రజలకు ఎమ్మెల్యేలు, ఎమ్మెల్సీలు దూరం కావడానికి పీఏలు, పీఆర్వోలే కారణం’ అని మండలి చైర్మన్ పేర్కొన్నారు.