ఈ ఏడాది జూన్‌లో ‘కల్కి’ సినిమాతో ప్రభాస్ మంచి హిట్ కొట్టారు. ఈ సినిమా సీక్వెల్‌కి సంబంధించిన అప్‌డేట్ కోసం ప్రభాస్ అభిమానులు ఆసక్తిగా ఎదురు చేస్తున్నారు. నాగ్ అశ్విన్ దర్శకత్వంలో వచ్చిన కల్కి సినిమాలో కమల్ హాసన్ విలన్‌గా మెప్పించారు. ఈ సినిమాకు నార్త్ ఆడియన్స్ సైతం బాగా కనెక్ట్ అయ్యారు.

దీంతో మంచి వసూళ్లు రాబట్టింది. తాజాగా కల్కి సీక్వెల్‌ను మేకర్స్ అనౌన్స్ చేశారు. కానీ షూటింగ్ ఎప్పుడు జరుగుతుందో తెలియని పరిస్థితి. దీనికి కారణమేంటంటే.. ప్రభాస్ ప్రస్తుతం రాజాసాబ్, హను రాఘవపూడి మూవీస్‌ను పూర్తి చేసే పనిలో ఉన్నారు. ఈ క్రమంలోనే సలార్ 2 కూడా షూటింగ్ చేయాల్సి ఉంది.

కాబట్టి కల్కి 2 ఇప్పుడప్పుడే లేనట్టేనని అంతా భావించారు. కానీ తాజాగా ఈ సినిమా గురించి ఓ ప్రచారం జరుగుతోంది. నాగ్ అశ్విన్ కల్కి 2 కోసం ప్లాన్ సిద్ధం చేసినట్టు తెలుస్తోంది. ప్రస్తుతం ఆయన ప్రి ప్రొడక్షన్ పనిలో బిజీగా ఉన్నారట. వచ్చే ఏడాది ఏప్రిల్ నుంచి కల్కి 2 షూటింగ్ ప్రారంభిస్తారట. 8 నెలల్లో అంటే దాదాపు 2025 చివరి నాటికి షూటింగ్ పూర్తి చేస్తారట. మరో రెండు నెలల్లో పోస్ట్ ప్రొడక్షన్ వర్క్ పూర్తి చేసుకుని 2026 ఏప్రిల్ నాటికి సినిమాను ప్రేక్షకుల ముందుకు తెచ్చేలా ప్లాన్ చేస్తున్నారని సమాచారం.