అశోక్ గల్లా నటిస్తున్న రెండో చిత్రం ‘దేవకీ నందన వాసుదేవ’. అర్జున్ జంధ్యాల దర్శకత్వంలో లలితాంబిక ప్రొడక్షన్స్ పతాకంపై సోమినేని బాలకృష్ణ ఈ చిత్రాన్ని నిర్మిస్తున్నారు. నవంబర్ 22న థియేటర్ల ద్వారా సినిమా విడుదల కానున్న నేపథ్యంలో చిత్రబృందం మంగళవారం హైదరాబా ద్‌లో ట్రైలర్ లాంచ్ ఈవెంట్ నిర్వహించింది. ఈ వేడుకకు హీరోలు రానా దగ్గుబాటి, సందీప్ కిషన్ అతిథులుగా హాజరై, ట్రైలర్‌ను ఆవిష్కరించారు.

అనంతరం హీరో రానా మాట్లాడుతూ.. ‘ఇది కృష్ణుడు, కంసుడి నుంచి స్ఫూర్తి పొంది రాసిన సోషల్ సినిమా అని తెలుస్తోంది. అశోక్ గల్లా మాట్లాడుతూ.. ‘నేను ఇక్కడి వరకు రావడానికి కారణం ప్రశాంత్ వర్మ. అర్జున్ తన విజన్‌తో సినిమాను మరో రెండు మెట్లు పైకి తీసుకెళ్లారు’ అని తెలిపారు. హీరోయిన్ మానస వారణాసి మాట్లాడుతూ..

‘ఇంత మంచి క్రియేటివిటీ ఉన్న టీమ్‌తో పనిచేయడం నాకు చాలా ఆనందం ఇచ్చింది’ అని చెప్పారు. డైరెక్టర్ ప్రశాంత్ వర్మ మాట్లాడుతూ.. ‘ప్రతి కథ మీద హీరో పేరు రాసి ఉంటుంది. ఈ కథపై అశోక్ పేరు రాసి ఉంది. అర్జున్ బాగా డెవలప్ చేసి చూపించారు’ అని చెప్పారు. నిర్మాత బాలకృష్ణ మాట్లాడుతూ.. ‘ఈ సినిమా చూసినప్పుడు మీకు అఖండ సినిమా గుర్తొస్తుంది’ అన్నారు. కార్యక్రమంలో చిత్ర దర్శకుడు అర్జున్ జంధ్యాల తదితరులు పాల్గొన్నారు.