కరెన్సీ నోట్ల దండను అపహరించిన ట్రక్ డ్రైవర్

సినీ ఫక్కీలో చేజ్ చేసి పట్టుకున్న పెళ్లి కొడుకు

లక్నో, నవంబర్ 25: పెళ్లి ఊరేగింపు కోసం వరుడు గుర్రం ఎక్కాడు. ఎక్కడ నుంచి వచ్చాడో తెలియదు గానీ, ఓ ట్రాలీ డ్రైవర్ హఠాత్తుగా వచ్చి వరుడి మెడలోని కరెన్సీ మాలను అపహరించాడు. అనంతరం ట్రక్‌పై అక్కడి నుంచి ఉడాయిస్తున్నాడు. తేరుకున్న వరుడు వెంటనే సినీ ఫక్కీలో ట్రక్‌ను వెంబడించాడు. ఛేజ్ చేసి పట్టుకుని డ్రైవర్‌కు దేహశుద్ది చేశాడు. యూపీలోని మీరట్‌లో ఈ ఘటన జరిగింది.

పెండ్లి ఊరేగింపునకు అంతా సిద్ధమవుతుండగా.. బంధుమిత్రులు వరుడి మెడలో  కరెన్సీ దండ వేశారు. ఓ ట్రక్ డ్రైవర్ ఒక్క ఉదుటన వరుడి వద్దకు వచ్చి మాలను అపహరించి ట్రక్‌లో ఉడాయించాడు. వరుడు ట్రక్‌పైకి దూకి నడుస్తుండగానే, డ్రైవర్ క్యాబిన్‌లోకి ప్రవేశించాడు. ఈలోపు వరుడి బంధు వులు, స్నేహితులు అక్కడికి వచ్చి డ్రైవర్‌ను చితకబాది తిక్క కుదిర్చారు. ఈ ఛేజింగ్ వీడియో ప్రస్తుతం వైరల్ అవుతోంది.