సిద్దు జొన్నలగడ్డ హీరోగా ప్రముఖ స్టైలిస్ట్ నీరజ కోన దర్శకురాలిగా పరిచయం అవుతున్న చిత్రం ‘తెలుసు కదా’. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ భారీ వ్యయంతో నిర్మిస్తున్న ఈ సినిమా ఫస్ట్ షెడ్యూల్ హైదరాబాద్‌లో పూర్తిచేసుకుంది. ఇప్పటికే 50% షూటింగ్ పూర్తి చేసుకున్న ఈ సినిమా పనులు శరవేగంగా జరుగుతున్నాయి.

నెల రోజుల పాటు ఏకదాటిగా జరిగిన ఈ షెడ్యూల్‌లో సిద్దు, రాశిఖన్నా, శ్రీనిధిశెట్టి, వైవా హర్షలపై కొన్ని కీలక సన్నివేశాలను చిత్రీకరించారు. ఈ చిత్రంలోని మొదటి పాటను సిద్దు, రాశీఖన్నాలపై ఇటీవలే చిత్రీకరించారు. త్వరలో భారీ షెడ్యూల్ కోసం సినిమా యూనిట్  సిద్ధమవుతోంది. ఎస్‌ఎస్ థమన్ సంగీతం అందిస్తున్న ఈ సినిమాకు  జ్ఞానశేఖర్ బాబా డీవోపీ, నవీన్ నూలి ఎడిటర్‌గా పనిచేస్తున్నారు. సహ నిర్మాత: వివేక్ కూచిభొట్ల, ప్రొడక్షన్ డిజైనర్: అవినాష్ కొల్లా, కాస్ట్యూమ్ డిజైనర్: శీతల్ శర్మ.