సల్మాన్ ఖాన్, ఏఆర్ మురగదాస్ కాంబోలో రూపొందుతున్న చిత్రం ‘సికిందర్’. ఈ చిత్రంలో రష్మిక, సత్యరాజ్, శర్మన్ జోషి కీలక పాత్రలు పోషిస్తున్నారు. ప్రస్తుతం ఈ సినిమా షూటింగ్ హైదరాబాద్‌లో జరుగుతోంది. ఇప్పటికే ఈ సినిమా షూటింగ్ 50 శాతం పూర్తుంది. జనవరి 2025 నాటికి సినిమా చిత్రీకరణ పూర్తి చేయాలని మేకర్స్ భావిస్తున్నారు. ఇప్పటికే సికిందర్ చిత్రంలో కీలక సన్నివేశాలన్నింటినీ తెరకెక్కించినట్టు తెలుస్తోంది.

ఈ చిత్రంలో ఈద్, హోలీ నేపథ్యంలో రెండు పాటలను సల్మాన్, రష్మికలతో తెరకెక్కించారట. ఈ రెండు పాటలు విభిన్నంగా ఉంటాయట. ఈద్ థీమ్‌తో ఖవ్వాలి, హోలీ థీమ్‌తో రూపొందిన పాట లవ్ సెలబ్రేషన్‌కు సంబంధించినదట. ఎప్పటికీ అవి గుర్తుండిపోయే పాటలవుతాయని చిత్ర యూనిట్ భావిస్తోంది.

అలాగే చిత్రంలో రెండు యాక్షన్ సన్నివేశాలు ఇప్పటికే పూర్తయ్యాయట. మరో రెండు యాక్షన్ సన్నివేశాలు ఇంకా చిత్రీకరించాల్సి ఉందట. అలాగే మరో రెండు పాటలు కూడా బాకీ ఉన్నాయట. వీటన్నింటినీ జనవరి నాటికి పూర్తి చేయాలని చిత్రబృందం భావిస్తోంది.