కామారెడ్డి, నవంబర్ 12 (విజయక్రాంతి): ప్రయాణికురాలి బ్యాగు నుంచి ఆర్టీసీ బస్సు డ్రైవర్ బంగారు ఆభరణాలు దొంగిలించిన ఘటన మంగళవారం నిజామాబాద్ జిల్లా కేంద్రంలో వెలుగు చూసిం ది. వరంగల్ నుంచి నిజామాబాద్‌కు వెళ్లేందుకు ఓ మహిళ బస్సు ఎక్కింది. ఈక్రమం లో బంగారు ఆభరణాలతో ఉన్న పర్సు బస్సులో పడిపోయింది. అది గమనించిన డ్రైవర్ ఆ పర్సును ప్ర యాణికురాలికి ఇవ్వకుండా తాను తీ సుకున్నాడు. ఈ తతంగాన్నంతా తో టి ప్రయాణికులు సెల్‌ఫోన్లలో వీడి యో తీశారు.

కొంతదూరం వెళ్లాక. సదరు మహిళ తన బ్యాగులో పర్సు లేదని గుర్తించి తోటి ప్రయాణికులతో మొరపెట్టుకోగా వారంతా కలి సి బస్సును ఆపి డ్రైవర్‌ను నిలదీయగా తాను తీయలేదని బుకాయించాడు. ప్రయాణికులు తీసిన వీడియోను చూపించడంతో చేసేదేమీ లేక తీసిన బంగారు ఆభరణాలను ప్రయాణికురాలికి అప్పగించాడు. ఈక్రమంలో బస్సు డ్రైవర్‌పై ప్రయాణికులు తీవ్ర ఆగ్రహం వ్యక్తం చేశారు. ఇలాంటి వారిపై ఆర్టీసీ అధికారులు తగిన చర్యలు తీసుకోవాలని వారు కోరారు.