హాస్యబ్రహ్మ బ్రహ్మానందం, అతని కుమారుడు రాజా గౌతమ్ తాతామనవళ్లుగా నటిస్తున్న చిత్రం ‘బ్రహ్మ ఆనందం’. నిఖిల్ దర్శకత్వం వహిస్తున్న ఈ మూవీని రాహుల్ యాదవ్ నక్కా నిర్మిస్తున్నారు. ఈ సినిమా ఫస్ట్ గ్లింప్స్‌ను మేకర్స్ రక్షా బంధన్‌ను పురస్కరించుకొని విడుదల చేయగా, ఆకట్టుకున్నాయి. రాజా గౌతమ్ పరిచయంతో గ్లింప్స్ ప్రారంభమైంది. అవసరాలు తీర్చుకోవడానికి ఇబ్బందులు పడే హోప్‌లెస్ యువకుడిగా రాజా గౌతమ్, అతని స్నేహితుడిగా వెన్నెల కిషోర్ కనిపించారు. అన్ని సమస్యలూ, పరిష్కారాల అల్టిమేట్ ‘బాప్’గా బ్రహ్మానందం ఎంట్రీ ఇచ్చారు. పూర్తి వినోదాత్మకంగా రూపొందుతున్న ఈ చిత్రాన్ని డిసెంబర్ 6న విడుదల చేయనున్నామని మేకర్స్ ప్రకటించారు.