భార్య మృతి, భర్తకు గాయాలు

మేడ్చల్, సెప్టెంబర్18: దంపతులు బైక్‌పై వెళ్తుండగా వెనక నుంచి రెడీమిక్స్ వాహనం ఢీకొనడంతో భార్య అక్కడికక్కడే మృతి చెందిన సంఘటన మేడ్చల్‌లో చోటుచేసుకుంది. పోలీసుల కథనం ప్రకారం.. మేడ్చల్ కు చెందిన మాధవరావు, భార్య రత్నం(55)తో కలిసి బైకపై బుధవారం హైదరాబాద్ వైపు వెళ్తుండగా వారి వాహనాన్ని మేడ్చల్ శివారులో ఓ రెడీమిక్స్ వాహనం ఢీకొట్టింది. ఈ ప్రమాదంలో రత్నం రెడీమిక్స్ వాహనం వెనుక టైర్ల కిందపడి అక్కడికక్కడే మృతి చెందగా భర్త మాధవరావుకు స్వల్ప గాయాలయ్యాయి.

మేడ్చల్ పోలీసులు కేసు నమోదు చేసి దర్యాప్తు చేస్తున్నారు. కాగా మేడ్చల్ లో ఫ్లుఓవర్ పనుల వల్ల రోడ్డు ఇరుకుగా మారి ప్రమాదకరంగా తయారయింది. రోడ్డు మీద ఆక్రమణలు తొలగించి వెడల్పు చేయాల్సి ఉండగా, అలాగే పనులు చేస్తున్నారు. ఈ మార్గంలో ఒక కిలో మీటర్ దూరంలో మూడు వారాల్లో ముగ్గురు మరణించారు. అధికారులు ప్రమాదాల నివారణకు చర్యలు తీసుకోవాలని ప్రజలు కోరుతున్నారు.