నివాస్ హీరోగా, అమితశ్రీ హీరోయిన్‌గా పరిచయమవుతున్న సినిమా ‘తెలియదు, గుర్తులేదు, మర్చిపోయా’. ఇతర కీలక పాత్రల్లో థర్టీ ఇయర్స్ పృథ్వీ, వినోద్‌కుమార్, రఘుబాబు, భరద్వాజ్, ఖయ్యూం నటిస్తున్నారు. దీన్ని ఫుల్ లెంగ్త్ కామెడీ ఎంటర్‌టైనర్‌గా దర్శకుడు వెంకటేశ్ వీరవరపు తెరకెక్కిస్తున్నారు.

చెన్నా క్రియేషన్స్ బ్యానర్‌పై శరత్ చెన్నా నిర్మిస్తున్న ఈ సినిమా గురువారం హైదరాబాద్‌లో పూజా కార్యక్రమాలతో ప్రారంభమైంది. ముహూర్తపు సన్నివేశానికి నటుడు రఘుబాబు క్లాప్‌నివ్వగా, సంగీత దర్శకులు ఆర్పీ పట్నాయక్ కెమెరా స్విచ్ఛాన్ చేశారు. ఈ నెల 18 నుంచి రెగ్యులర్ షూటింగ్‌ను ప్రారంభిస్తామని దర్శకుడు వెంకటేశ్ తెలిపారు.