స్టార్ హీరో సూర్య నటిస్తున్న తాజా చిత్రం ‘కంగువ’ విడుదల తేదీ మారింది. మేకర్స్ తాజాగా చెప్పిన సమాచారం ప్రకారం.. నవంబర్ 14న ప్రపంచవ్యాప్తంగా రిలీజ్‌కు వస్తోందీ మూవీ. అక్టోబర్ 10న రావాల్సిన ఈ సినిమా మరిన్ని హంగులతో ముస్తాబై నెల రోజులు ఆలస్యంగా ప్రేక్షకుల ముందుకురాబోతోంది. ఈ రిలీజ్ డేట్ మారిన విషయాన్ని తెలియజేస్తూ మేకర్స్ విడుదల చేసిన వీడియో ఆకట్టుకుంటోంది. ఈ చిత్రాన్ని దర్శకుడు శివ భారీ పీరియాడిక్ యాక్షన్ ఫిల్మ్‌గా తెరకెక్కిస్తున్నారు. స్టూడియో గ్రీన్, యూవీ క్రియేషన్స్ బ్యానర్లపై కేఈ జ్ఞానవేల్ రాజా, వంశీ, ప్రమోద్ నిర్మిస్తున్న ఈ సినిమాలో దిశా పటానీ, బాబీ డియోల్ కీలక పాత్రల్లో నటిస్తున్నారు. నైజాం ఏరియాలో మైత్రీ మూవీ డిస్ట్రిబ్యూటర్స్ రిలీజ్ చేయబోతున్న ఈ చిత్రానికి సినిమాటోగ్రఫీ: వెట్రి పళనిస్వామి; యాక్షన్: సుప్రీమ్ సుందర్: డైలాగ్స్: మదన్ కార్కే; కథ: శివ, ఆది నారాయణ; పాటలు: వివేక్, మదన్ కార్కే.