మరాఠీ అందం భాగ్యశ్రీ బోర్సే ‘మిస్టర్ బచ్చన్’లో క్యూట్ క్యూట్ అందాలతో తెలుగు ప్రేక్షకులను కట్టిపడేసింది. ఆమె అందచందాలకు దర్శకులు, హీరోలూ ఫిదా అవు తున్నారట. ‘బచ్చన్’తో జిక్కి చేసిన రొమాన్స్ ఆమెకు తెలుగులో వరుస అవకాశాలను తెచ్చిపెడుతోందిప్పుడు. టాలీవుడ్ స్టార్ హీరోలు ఎన్టీఆర్, ప్రభాస్‌ల తర్వాతి ప్రాజెక్టుల్లో ఈ భామ భాగం కానుందని టాక్. ఎన్టీఆర్, ప్రశాంత్ నీల్ సినిమా కోసం రష్మిక మందన్న ఇప్పటికే ఎంపిక కాగా, రెండో హీరోయిన్ కోసం భాగ్యశ్రీ పేరును పరిశీలిస్తున్నారనేది తాజాగా ఫిల్మ్‌నగర్ సర్కిళ్లలో వినిపిస్తున్న మాట. మొదటి సినిమాలోనే స్టార్ హీరోతో కెమిస్ట్రీ పండించటం, గతంలో అక్షరం ముక్క కూడా తెలియని తెలుగు డైలాగ్స్ నేర్చుకొని మరీ డబ్బింగ్ చెప్పడం, మిసమిసలాడే అందమే.. భాగ్యశ్రీకి ఈ ఆఫర్ల ‘భాగ్య’ం కల్పించినట్టు తెలుస్తోంది.