అల్లరి నరేశ్ హీరోగా నటిస్తున్న చిత్రం ‘బచ్చల మల్లి. అమృత అయ్యర్ కథనాయికగా నటిస్తున్న ఈ సినిమాకు సుబ్బు మంగాదేవి దర్శకత్వం వహిస్తున్నారు. హాస్య మూవీస్ బ్యానర్‌పై రాజేశ్ దండా, బాలాజీ గుత్తా నిర్మిస్తున్నారు. షూటింగ్ పూర్తి కాగా ప్రస్తుతం పోస్ట్ ప్రొడక్షన్ కార్యక్రమాలను జరుపుకొంటోంది. డిసెంబర్ 20న సినిమా ప్రేక్షకుల ముందుకు రానున్న నేపథ్యంలో చిత్రబృందం ప్రమోషన్స్ మొదలుపెట్టింది.

తాజాగా ఈ చిత్రం నుంచి రెండో పాటను విడుదలైంది. దీన్ని సంగీత దర్శకుడు తమన్ విడుదల చేశారు. ‘అదే నేను అసలు లేను..’ అంటూ సాగుతున్న రొమాంటిక్ మెలోడీ గీతమిది. కృష్ణకాంత్ సాహిత్యం అందించగా ఎస్సీ చరణ్, రమ్య బెహరా ఆలపించిన ఈ గీతానికి విశాల్ చంద్రశేఖర్ స్వరాలు సమకూర్చారు.