నేటి నుంచి రిజిస్ట్రేషన్లు

హైదరాబాద్, ఆగస్టు 30 (విజయక్రాంతి): టీజీ పీఈసెట్ రెండో విడుత కౌన్సెలింగ్ షెడ్యూల్‌ను శుక్రవారం విడుదల చేశారు. రాష్ట్రంలోని ఫిజికల్ ఎడ్యుకేషన్ కాలేజీల్లో బీపీఈడీ, యూజీ డీపీఈడీ కోర్సుల్లో ప్రవేశాల కోసం ఈ కౌన్సెలింగ్ ప్రక్రియను చేపడతారు. శనివారం నుంచి సెప్టెంబర్ 3 వరకు ఆన్‌లైన్‌లో అభ్యర్థులు రిజిస్ట్రేషన్ చేసుకోవాలని సూచించారు. ఈ తేదీల్లోనే సర్టిఫికెట్ల వెరిఫికేషన్ కూడా నిర్వహించనున్నారు. సెప్టెంబర్ 4, 5 తేదీల్లో వెబ్ ఆప్షన్లను నమోదు చేసుకోవచ్చు. 6న వెబ్ ఆప్షన్లను ఎడిట్ చేసుకునేందుకు అవకాశం కల్పించారు. 8న రెండో విడుత సీట్లను విద్యార్థులకు కేటాయించనున్నారు. సీటు పొందిన అభ్యర్థులు ఆయా కాలేజీల్లో ఒరిజినల్ ధ్రువపత్రాలతో సెప్టెంబర్ 9 నుంచి 12వ తేదీలోపు రిపోర్టింగ్ చేయాల్సి ఉంటుందని అధికారులు తెలిపారు.