మేడిపల్లి,(విజయక్రాంతి): మేడ్చల్ జిల్లాలో విషాదం చోటుచేసుకుంది. ముందు వెళుతున్న స్కూటీని టిప్పర్‌ లారీ వెనుక నుండి ఢీకొనడంతో పదో తరగతి విద్యార్థి మృతి చెందిన సంఘటన మేడిపల్లి పీఎస్ పరిధిలో మంగళవారం జరిగింది. స్థానికులు, పోలీసులు తెలిపిన వివరాల ప్రకారం..  కాచివాని సింగరానికి చెందిన తేజస్ చౌదరి (14) అనే విద్యార్థి పదో తరగతి చదువతున్నాడు. తండ్రి మోతీ రామ్ చౌదరి పర్వతాపూర్ సమీపంలో ఇవాళ ఉదయం టూవీలర్ పై ట్యూషన్ కి వెళ్లి వస్తుండగా, కాచివాని సింగారంలో టిప్పర్ లారీ వెనక నుంచి ఢీకోట్టాడంతో తేజస్ అక్కడికక్కడే మృతి చెందాడు. డ్రైవర్ నిర్లక్ష్యంతో ప్రమాదం సంభవించిందని స్థానికులు తెలిపారు. స్థానికుల సమాచారంతో సంఘటన స్థలానికి చేరుకున్న మేడిపల్లి పోలీసులు మృతదేహాన్ని స్వాధీనం చేసుకొని పోస్టుమార్టం నిమిత్తం మార్చురీకి తరలించారు. ఈ మేరకు కేసు నమోదు చేసి విచారణ చేస్తున్నట్లు పోలీసులు పేర్కొన్నారు.