నోయిడా: ప్రొ కబడ్డీ లీగ్ (పీకేఎల్) 11వ సీజన్‌లో తెలుగు టైటాన్స్ ఖాతాలో మరో ఓటమి వచ్చి చేరింది. గురువారం నోయిడా వేదికగా జరిగిన మ్యాచ్‌లో తెలుగు టైటాన్స్ 34 తేడాతో యూపీ యోధాస్ చేతిలో పరాజయం చవిచూసింది. టైటాన్స్ తరఫున విజయ్ మాలిక్ 15 రెయిడ్ పాయింట్లు సాధించినప్పటికీ లాభం లేకుండా పోయింది. ఇక యూపీ ఆటగాళ్లలో భవానీ రాజ్‌పుత్ 12 పాయింట్లు, ఆల్‌రౌండర్ భరత్ 11 పాయింట్లతో చెలరేగారు.

ఈ ఓటమితో టైటాన్స్ ఆరో స్థానానికి పడిపోయింది. మరో మ్యాచ్‌లో యు ముంబా విజయం సాధించింది. ఉత్కంఠభరితంగా సాగిన మ్యాచ్‌లో తమిళ్ తలైవాస్ 32 తేడాతో యు ముంబా చేతిలో చిత్తయింది. ముంబా తరఫున మన్‌జీత్ 10 పాయింట్లు సాధించాడు. తమిళ్ తలైవాస్ తరఫున నితేశ్ 6 పాయింట్లతో టాప్ స్కోరర్‌గా నిలిచాడు. నేటి మ్యాచ్‌ల్లో పట్నాతో బెంగాల్, జైపూర్‌తో గుజరాత్ తలపడనున్నాయి.