సినీ నటుడు సోనూసూద్ 

పాలమాకుల కేజీబీవీలో సందడి

రాజేంద్రనగర్, నవంబర్29 : తెలుగు ప్రజలందరినీ తన కుటుంబసభ్యులుగా భావిస్తానని.. ఇక్కడి ప్రజలు, అభిమానులు అంటే తనకు ఎంతో ఇష్టమని సినీ నటుడు, రియల్  హీరో సోనూసూద్ పేర్కొన్నారు. శుక్రవారం ఆయన శంషాబాద్ మండల పరిధిలోని పాలమాకుల కస్తూర్బా గాంధీ గురుకుల పాఠశాలలో విద్యార్థులతో కలిసి సందడి చేశారు. ప్రముఖ సామాజిక వేత్త సిద్దూరెడ్డి కందకట్ల కేజీబీవీలో సకల వసతులు కల్పించారు.

ఈనేపథ్యంలో సోనూసూద్ పాఠశాలను సందర్శించి విద్యార్థుల తో ముచ్చటించారు. నిస్వార్థంగా సేవ చేస్తున్న సిద్దురెడ్డిని అభినందించారు. పాలమాకుల కేజీబీవీ విద్యార్థినులకు ల్యాప్ టాప్‌లు పంపిణీ చేస్తానని సోనూసూద్ హామీ ఇచ్చారు. సిద్దూరెడ్డి మాట్లాడుతూ.. పాఠశాలలో 44 బాత్‌రూమ్‌లు, బెంచీలు, అదేవిధంగా ఆర్‌ఓఆర్ ప్లాంటు ఏర్పాటు చేసినట్లు చెప్పారు. పాఠశాల సిబ్బంది తదితరులు పాల్గొన్నారు.