పద్మ పురస్కార గ్రహీతల పరిచయ కార్యక్రమం

నేటి నుంచి ప్రారంభం కానున్న ధారావాహిక

హైదరాబాద్, జూలై 4 (విజయక్రాంతి): ఆకాశవాణి హైదరాబాద్ కేంద్రం ప్రసార సేవలో 75వ సంవత్సరంలోకి అడుగుపెట్టిన సందర్భంగా తెలుగు పద్మాలు శీర్షికతో ప్రత్యేక కార్యక్రమాన్ని శుక్రవారం నుంచి ప్రసారం చేయనుంది. వివిధ రంగాల్లో విశిష్ట సేవలందించి భారత ప్రభుత్వ ప్రతిష్ఠాత్మక పద్మ పురస్కారాలు అందుకున్న ప్రముఖుల పరిచయాలతో కూర్చిన ధారావా హిక ఈనెల 5 నుంచి ప్రతి రోజు ఉదయం 10 గంటలకు ప్రసారమవుతుందని స్టేషన్ డైరెక్టర్ విష్ణుభట్ల ఉదయ శంకర్ ఒక ప్రకటనలో తెలిపారు. ఈ కార్యక్రమాన్ని రెండు తెలుగు రాష్ట్రాల్లోని అన్ని ఆకాశవాణి కేంద్రాల నుంచి వినవచ్చునని వెల్లడించారు.