పెద్దపల్లిలో దీక్షా దివాస్ లో మాజీ మంత్రి కోప్పుల ఈశ్వర్ 

పెద్దపెల్లి (విజయక్రాంతి): కేసీఆర్ పోరాటంతోనే తెలంగాణ సాధించామని పెద్దపల్లిలో దీక్షా దివాస్ కార్యక్రమంలో మాజీ మంత్రి కోప్పుల ఈశ్వర్ అన్నారు. శుక్రవారం పెద్దపల్లి పట్టణ కేంద్రంలోని బీఆర్ఎస్ పార్టీ కార్యాలయంలో పెద్దపల్లి బీఆర్ఎస్ పార్టీ ఇంచార్జీ, మాజీ మంత్రి  కొప్పుల ఈశ్వర్ అధ్యక్షనలో దీక్షా దివస్‌ను నిర్వహించారు. ఈ సందర్భంగా మాజీ ముఖ్యమంత్రి కేసిఆర్ చిత్ర పటానికి పాలాభిషేకం చేశారు. అనంతరం అమర వీరుల స్థూపం వద్ద అమరులను స్మరిస్తూ అమరులకు ఘన నివాళులు అర్పించారు. ఈ సందర్భంగా మాజీ మంత్రి ఈశ్వర్ మాట్లాడుతూ.. కేసీఆర్ పోరాటంతోనే తెలంగాణ సాధించామని, సాధించిన తెలంగాణలో కేసీఆర్ ఎంతో అభివృద్ధి చేశాడని కొనియాడారు. ఈ కార్యక్రమంలో జిల్లా పార్టీ అధ్యక్షులు కోరుకంటి చందర్, మాజీ ఎమ్మెల్యేలు దాసరి మనోహర్ రెడ్డి, పుట్ట మధుకర్, మాజీ గ్రంథాలయ సంస్థ చైర్మన్ రఘువీర్, పార్టీ అధ్యక్షులు, బిఆర్ఎస్ నాయకులు, కార్యకర్తలు పాల్గొన్నారు.