హైదరాబాద్‌:  తెలుగు రాష్ట్రాల్లో లోక్ సభ అసెంబ్లీ ఎన్నికల పోలింగ్ సోమవారం కొనసాగుతోంది. ఏపీలో 175 మంది సభ్యుల అసెంబ్లీ, మొత్తం 25 లోక్‌సభ స్థానాలకు ఏకకాలంలో ఎన్నికల పోలింగ్ జరుగుతోంది. తెలంగాణ రాష్ట్రంలో 17 లోక్‌సభ స్థానాలకు, కంటోన్మెంట్ అసెంబ్లీ స్థానానికి ఉప ఎన్నికకు పోలింగ్‌ జరుగుతోంది. సాయంత్రం 7 గంటల వరకు ఓటింగ్‌ కొనసాగించనున్నట్లు ఎన్నికల సంఘం ప్రకటించింది. ప్రజలు తమ ఓటు వేసేందుకు తెల్లవారుజామునుంచే పోలింగ్‌ కేంద్రాల వద్ద భారీగా క్యూకట్టారు. తెలంగాణలో మధ్యాహ్నం ఒంటి గంట వరకు 40 శాతం పోలింగ్‌ నమోదు అయింది. తెలంగాణలో అధికంగా పోలింగ్ శాతం నమోదు. ఒంటిగంట వరకు ఏపీ కంటే తెలంగాణలోనే 4 శాతం ఎక్కువ పోలీంగ్ నమోదైందని అధికారులు తెలిపారు. ఏపీలో మధ్యాహ్నం వరకు 36 శాతం పోలింగ్ నమోదైనట్లు ఎన్నికల సంఘం ప్రకటించింది.