హైద‌రాబాద్ :  తెలంగాణలోని 17 లోక్‌స‌భ నియోజ‌క‌వ‌ర్గాల్లో ఎన్నిక‌ల పోలింగ్ ప్ర‌శాంతంగా కొనసాగుతోంది. మ‌ధ్యాహ్నం 3 గంటల వ‌ర‌కు రాష్ట్రంలో 53.30 శాతం పోలింగ్ న‌మోదైనట్లు రాష్ట్ర ఎన్నిక‌ల సంఘం ప్రకటించింది. అటు కంటోన్మెంట్ ఉపఎన్నికలో 39.92 శాతం పోలింగ్ నమోదైంది. ఆదిలాబాద్ పార్ల‌మెంట్ ప‌రిధిలో 62.44 శాతం, భువ‌న‌గిరిలో 62.05 శాతం, చేవెళ్ల‌లో 42.35 శాతం, హైద‌రాబాద్‌లో 29.47 శాతం, క‌రీంన‌గ‌ర్‌లో 58.24 శాతం, ఖ‌మ్మంలో 63.67 శాతం, మ‌హ‌బూబాబాద్‌లో 61.40 శాతం, మ‌హ‌బూబ్‌న‌గ‌ర్‌లో 58.92 శాతం, మ‌ల్కాజ్‌గిరిలో 37.69 శాతం, మెద‌క్‌లో 60.94 శాతం, నాగ‌ర్‌క‌ర్నూల్‌లో 57.17 శాతం, న‌ల్ల‌గొండ‌లో 59.91 శాతం, నిజామాబాద్‌లో 58.70 శాతం, పెద్ద‌ప‌ల్లిలో 55.92 శాతం, సికింద్రాబాద్‌లో 35.48 శాతం, వ‌రంగ‌ల్‌లో 54.17 శాతం, జ‌హీరాబాద్‌లో 63.96 శాతం పోలింగ్ న‌మోదు అయినట్లు ఎన్నికల అధికారులు ప్రకటించారు.