హైదరాబాద్: తెలంగాణలో ప్రవేశ పరీక్షల షెడ్యూల్(Entrance Exam Schedule 2025) ఖరారైంది. ప్రవేశ పరీక్షలను ఏప్రిల్ 29 నుంచి జూన్ 19 వరకు నిర్వహించనున్నట్లు ఉన్నత విద్యామండలి(Telangana Council of Higher Education) ప్రకటించింది. EAPCET ఏప్రిల్ 29 నుండి మే 5 వరకు నిర్వహించబడుతుంది. EAPCET-2025 వ్యవసాయం, ఫార్మసీలకు ఏప్రిల్ 29, 30 తేదీలలో నిర్వహించబడుతుంది. EAPCET-2025 ఇంజనీరింగ్ అడ్మిషన్ల కోసం మే 2 నుండి 6 వరకు నిర్వహించబడుతుంది. అయితే EAPCET పరీక్షలను JNTU నిర్వహిస్తుంది. ప్రొఫెసర్ బి. డీన్ కుమార్ కన్వీనర్ గా వ్యవహరిస్తున్నారు. డిప్లొమా విద్యార్థులు ఇంజినీరింగ్‌, ఫార్మసీ ద్వితీయ సంవత్సరం కోర్సుల్లో చేరేందుకు నిర్వహించే ఈసీఈటీ మే 12న జరగనుంది. ఉస్మానియా యూనివర్సిటీ ఆధ్వర్యంలో నిర్వహిస్తున్న ఈసెట్‌ కన్వీనర్‌గా ఓయూ ఇంజినీరింగ్‌ కళాశాల ప్రిన్సిపల్‌ ప్రొఫెసర్‌ చంద్రశేఖర్‌ వ్యవహరిస్తారు. 

బీఈడీ అడ్మిషన్ల కోసం జూన్ 1న ఎడ్‌సెట్ నిర్వహిస్తామని, కాకతీయ యూనివర్సిటీ ఆధ్వర్యంలో నిర్వహిస్తున్న ఎడ్‌సెట్ కన్వీనర్‌గా కేయూ ప్రొఫెసర్ బి.వెంకట్రామి రెడ్డి ఉన్నారు. ఎల్‌ఎల్‌బి అడ్మిషన్ల లాసెట్, పిజిఎల్‌సిఇటిని ఉస్మానియా విశ్వవిద్యాలయాని(Osmania University)కి అప్పగించారు. కన్వీనర్‌గా ప్రొఫెసర్ బి.విజయలక్ష్మిని నియమించారు. ఎంబీఏ, ఎంసీఏ ప్రవేశాల కోసం జూన్‌ 8, 9 తేదీల్లో ఐసీఈటీ పరీక్ష జరగనుంది. ఐసిఇటిని మహాత్మా గాంధీ యూనివర్సిటీ నిర్వహిస్తుండగా, ప్రొఫెసర్ అలువాల రవి కన్వీనర్‌గా వ్యవహరిస్తారు. MTech, MPharmacy కోర్సులకు PGECET జూన్ 16 నుండి 19 వరకు నిర్వహించబడుతుంది. JNTUH నిర్వహించే PGECET కన్వీనర్ ప్రొఫెసర్ ఎ.అరుణ కుమారి వ్యవహరిస్తున్నారు. ఫిజికల్ ఎడ్యుకేషన్, డీపెడ్, బీపెడ్ లో కోర్సుల్లో ప్రవేశాల కోసం జూన్ 11 నుంచి 14 వరకు పీఈఈసెట్ నిర్వహించనున్నారు. పాలమూరు యూనివర్సీటీ నిర్వహించే పీఈసెట్ కన్వీనర్ నగా ప్రొఫెసర్ ఎన్.ఎస్. దిలీప్ ఉన్నారు. పీఈసెట్ మినహా మిగిత ప్రవేశపరీక్షలన్నీ ఆన్ లైన్ లోనే నిర్వహించనున్నట్లు ఉన్నత విద్యామండలి వెల్లడించింది.