హైదరాబాద్: ప్రపంచవ్యాప్తంగా మైక్రోసాఫ్ట్ విండోస్ లో సాంకేతిక సమస్య తలెత్తింది. భారత్ తో సహా అమెరికా, ఆస్ట్రేలియాలో అంతరాయం ఏర్పడింది. ఉన్నట్లుండి బ్లూ స్క్రీన్ ప్రత్యేక్షమైంది. విండోస్ లో సాంకేతిక సమస్య వల్ల విమాన సర్వీసులకు అంతరాయం కలిగింది. విండోస్ సమస్య కారణంగా హైదరాబాద్ లో విమాన సర్వీసులు నిలిచిపోయాయి. ఆన్ లైన్ సర్వీసుల్లో అంతరాయం కలుగుతోందని ఇండిగో సంస్థ వెల్లడించింది. కొన్ని విమానాలను రద్దు చేస్తున్నట్లు అమెరికాలోని ఫ్రాంటీయర్ సంస్థ ప్రకటించింది. కొన్ని ఆన్ లైన్ సర్వీసులు తాత్కాలికంగా అందుబాటులో ఉండవని స్కై ఎయిర్ లైన్స్ తెలిపింది. ముంబయి, ఢిల్లీ ఎయిర్ పోర్టుల్లో ఆన్ లైన్ సర్వీసులకు అంతరాయం కలిగింది. విండోస్ లో సమస్యపై ఎక్స్ వేదికగా యూజర్లు పోస్టులు పెడుతున్నారు.