విజయవాడ: మంగళగిరిలో గురువారం టీడీపీ తొలి పొలిట్‌బ్యూరో సమావేశం ప్రారంభం అయింది. పార్టీ అధ్యక్షుడు ఎన్‌ చంద్రబాబు నాయుడు అధ్యక్షతన జరిగే ఈ సమావేశంలో కూటమి భాగస్వామ్య పక్షాల మధ్య నామినేటెడ్ పదవులను పంచుకోవడం, శ్వేత పత్రాలు, సంస్థాగత వ్యవహారాలపై చర్చించనున్నారు. పార్టీకి అండగా నిలిచి అనేక సమస్యలు ఎదుర్కొన్న టీడీపీ నేతలు, కార్యకర్తలకు 60 శాతం ఇవ్వనున్నట్లు సమాచారం. జనసేనకు 25శాతం, బీజేపీకి 15శాతం పదవులు ఇవ్వనున్నట్లు సమాచారం. టీడీపీ పొలిట్ బ్యూరో మిషన్-2029పై రోడ్ మ్యాప్ ఖరారు చేయనున్నారు.

తెలంగాణ టీడీపీ అధ్యక్షుడి ఎంపిక పైనా పొలిట్ బ్యూరోలో ప్రస్తావించనున్నారు. వైఎస్సార్‌సీపీ హయాంలో పార్టీ శ్రేణులపై జరిగిన అకృత్యాలపైనా ఈ సమావేశంలో చర్చించనున్నారు. అమరావతి, పోలవరం తదితర ప్రాజెక్టులకు నిధులు కేటాయించినందుకు కేంద్రంలోని ఎన్డీయే ప్రభుత్వానికి పొలిట్‌బ్యూరో కృతజ్ఞతలు తెలుపుతుంది. ప్రజల సంక్షేమం కోసం పార్టీ నాయకులు ప్రజలతో ఎలా పని చేయాలనే దానిపై కూడా ఇది మార్గదర్శకాలను ఇస్తుంది. పార్టీ కార్యకర్తల కోసం చేయాల్సినవి, చేయకూడనివి జాబితాను చంద్రబాబు ఇచ్చే అవకాశం ఉన్నట్లు సమాచారం.