ప్రముఖ తమిళ నటుడు ఢిల్లీ గణేష్ వృద్ధాప్యం కారణంగా అనారోగ్య సమస్యలతో బాధపడుతూ కన్నుమూశారు. ఆయన వయసు 80. నిన్న రాత్రి 11 గంటలకు ఆయన తుదిశ్వాస విడిచారు. ఈరోజు అంటే నవంబర్ 10న అంత్యక్రియలు జరుగుతాయని కుటుంబ సభ్యులు తెలిపారు. గణేష్ కుటుంబం అతని మరణాన్ని ధృవీకరిస్తూ, "మా నాన్న మిస్టర్ ఢిల్లీ గణేష్ నవంబర్ 9వ తేదీ రాత్రి 11 గంటల సమయంలో మరణించారని తెలియజేయడానికి మేము చాలా చింతిస్తున్నాము." అంటూ సోషల్ మీడియా వేదికగా ప్రకటించారు. ప్రజల సందర్శనార్థం ఆయన భౌతికకాయాన్ని చెన్నైలోని రామాపురంలో ఉంచారు.

నాలుగు దశాబ్దాల పాటు సాగిన కెరీర్‌తో, గణేష్ 1977లో అరంగేట్రం చేసి తమిళం, తెలుగు మలయాళంలో 400 చిత్రాలకు పైగా నటించారు. అతను విలన్‌ల నుండి తండ్రి పాత్రల వరకు బహుముఖ పాత్రలకు ప్రసిద్ది చెందాడు. రజనీకాంత్, కమల్ హాసన్, విజయకాంత్ వంటి కొన్ని పెద్ద స్టార్‌లతో స్క్రీన్‌ను పంచుకున్నాడు. ఆగష్టు 1, 1944న చెన్నైలో జన్మించిన ఢిల్లీ గణేష్ వాస్తవానికి భారతీయ వైమానిక దళంలో భాగంగా ఉన్నారు. నటనకు ముందు, అతను భారతీయ వైమానిక దళంలో ఒక దశాబ్దం పాటు అంటే 1964-1974 వరకు కూడా పనిచేశాడు. ఢిల్లీ గణేష్ నాయకన్ (1987), మైఖేల్ మధన కామ రాజన్ (1990) వంటి చిత్రాలలో తన పాత్రలకు ప్రసిద్ధి చెందాడు.