బెల్లంపల్లి (విజయక్రాంతి): మంచిర్యాల జిల్లా స్థాయి అథ్లెటిక్స్ అసోసియేషన్ ఆధ్వర్యంలో నిర్వహించిన అండర్ 8, అండర్10, అండర్ 12 అథ్లెటిక్స్ క్రీడా పోటీల్లో బెల్లంపల్లి కృష్ణవేణి టాలెంట్ స్కూల్ విద్యార్థులు ప్రతిభ కనబరిచారు. అండర్ 8 విభాగంలో బి .వరుణ్ కుమార్ (3 వ తరగతి) స్టాండింగ్ బ్రాడ్ జంప్ లో గోల్డ్ మెడల్ , 50 మీటర్ల పరువు పందెంలో బ్రాంచ్ మెడల్ సాధించారు. అండర్ 10 విభాగంలో ఎం. నిరూప్ (4 వ తరగతి ) కిడ్స్ జావెలిన్ త్రో లో బ్రాంజ్ మెడల్, అండర్ 12 విభాగంలో ఎన్.సహన్య (5 వ తరగతి) కిడ్స్ జావెలిన్ త్రో లో సిల్వర్ మెడల్ సాధించారు. వీరిని సోమవారం పాఠశాల డైరెక్టర్ ఈ. రవి ప్రసాద్, ప్రిన్సిపాల్ ఎం. రాజా రమేష్, పి. ఈ. టి.  వి. మల్లేష్ యాదవ్, సల్పల సంతోష్ లు అభినందించారు.