మంచిర్యాల (విజయక్రాంతి): అంతర్జాతీయ వికలాంగుల దినోత్సవం సందర్భంగా హైదరాబాదులో శుక్రవారం నిర్వహించిన రాష్ట్రస్థాయి వికలాంగుల క్రీడా పోటీలలో మంచిర్యాల జిల్లా దివ్యాంగ క్రీడాకారులు పాల్గొని ప్రతిభ కనబరిచారు. రాష్ట్ర స్థాయి క్రీడా పోటీలలో జిల్లా నుండి కే ప్రశాంత్, ఎం సతీష్, రాకేష్, టీ రాయమల్లు, బ్రహ్మానంద చారి, చెండే లక్ష్మి, సంతోష్ కుమార్, రమేష్, యోసేపు, రవికాంత్ లు పాల్గొనగా మంచిర్యాలకు చెందిన పాయిరాల రాకేష్ క్యారంలో రాష్ట్రస్థాయిలో మొదటి బహుమతి గెలుచుకున్నారు. వికలాంగుల, వయోవృద్ధుల సంక్షేమ శాఖ డైరెక్టర్ బి శైలజ చేతుల మీదుగా  బహుమతి అందుకున్నాడు. ప్రతిభ కనబరిచిన క్రీడాకారుడిని జిల్లా సంక్షేమ అధికారి స్వరూప రాణి, సిబ్బంది అభినందించారు.