సాయితేజ కల్వకోట, పావని కరణం జంటగా నటిస్తున్న చిత్రం ‘పైలం పిలగా’. ఆనంద్ గుర్రం దర్శకత్వం వహిస్తున్న ఈ సినిమాను రామకృష్ణ బొద్దుల, ఎస్‌కే శ్రీనివాస్ నిర్మిస్తున్నారు. చిత్రం శ్రీను, మిర్చి కిరణ్, డబ్బింగ్ జానకి, ప్రణవ్ సోను, ఈరోజుల్లో సాయి తదితరులు ముఖ్య పాత్రల్లో నటిస్తున్నారు. ఈ చిత్రం నుంచి మేకర్స్ శుక్రవారం టైటిల్ సాంగ్‌ను రిలీజ్ చేశారు. ‘పిలగా పిలగా’ పేరుతో విడుదలైన ఈ పాట పూర్తి తెలంగాణ యాసలో సాగుతూ ఆకట్టుకుంటోంది.

‘కొండ కొసకు ఎంటికేసి కండ బలము సూపించేటి దండి మొగోడివా.. సిట్టెడంత యేలు మీద పట్టనట్టి పర్వతాన్ని నిలబెట్టే దేవుడివా..  ఈడిసి కొడితే పడతావురా రామలింగా..  ఈపు వలిగీ బొబ్బలెక్కు రామలింగా..  పిలగా పిలగా జెర పైలం పిలగా...’ అంటూ తెలంగాణ పల్లెల్లో వినిపించే అరుదైన పద సంపదతో అల్లుకున్న ఈ పాట ఆద్యంతం హృద్యంగా సాగుతోంది. అక్కల చంద్రమౌళి గీత సాహిత్యం అందించగా, సంగీత దర్శకుడు యశ్వంత్ నాగ్ స్వరపరిచి, శ్రావణ భార్గవితో కలిసి ఆలపించారు.