ఆర్‌జీఐఏ పీఎస్‌లో ఫిర్యాదు

రాజేంద్రనగర్, నవంబర్21: సినీ నటుడు రామ్‌చరణ్‌పై చర్యలు తీసుకోవాలని కోరుతూ శంషాబాద్ ఆర్‌జీఐఏ పోలీస్ స్టేషన్‌లో గురువారం ఫిర్యాదు చేశారు. ఇటీవల రామ్‌చరణ్ అయ్యప్ప మాలధారణలో ఉండి దర్గాలో ప్రత్యేక ప్రార్థనలు చేసిన విషయం తెలిసిందే. ఈనేపథ్యంలో శంషాబాద్ మున్సిపల్ వైస్ చైర్మన్ బండి గోపాల్ యాదవ్‌తోపాటు వీహెచ్‌పీ నాయకులు, అయ్యప్ప సేవాసమితి భక్తులు ఫిర్యాదు చేశారు.  ఈ విషయమై సత్వరమే స్పందించి కేసు నమోదు చేయాలని కోరారు. జీడీలో ఎంట్రీ చేశామని, న్యాయ పరిశీలనకు పంపినట్లు ఎస్‌ఐ బాలరాజు పేర్కొన్నారు.