హీరో సూర్య మరో చిత్రానికి కొబ్బరికాయ కొట్టేశారు. ప్రముఖ నిర్మాణ సంస్థ డ్రీమ్ వారియర్ పిక్చర్స్‌పై ఎస్‌ఆర్ ప్రకాశ్‌బాబు, ఎస్‌ఆర్ ప్రభు నిర్మిస్తున్న ఈ చిత్రానికి ఆర్జే బాలాజీ దర్శకత్వం వహించనున్నారు.  ప్రస్తుతానికి ‘సూర్య45’ పేరుతో ప్రచారంలో ఉన్న ఈ సినిమా బుధవారం పూజా కార్యక్రమాలతో లాంఛనంగా ప్రారంభమైంది. ఫస్ట్ షెడ్యూల్ షూటింగ్ కోయంబత్తూర్‌లో జరగనుంది.

సూర్య, ఇతర ప్రధాన నటులపై కీలక సన్నివేశాలను చిత్రీకరిస్తారు. ఈ సినిమాను మేకర్స్ 2025 ద్వితీయార్ధంలో విడుదల చేయడానికి సన్నాహాలు చేస్తున్నారు. ఈ చిత్రంలోని నటీనటులు, సాంకేతిక నిపుణుల వివరాలను త్వరలో తెలియజేస్తామని మేకర్స్ వెల్లడించారు.