16 జిల్లాల్లో 100 శాతం, 13 జిల్లాల్లో 99 శాతం సర్వే పూర్తి

హైదరాబాద్, నవంబర్ 26 (విజయక్రాంతి): రాష్ట్రంలో కులగణన సర్వేతోపాటు కంప్యూటరీకరణ ముమ్మరంగా సాగుతోంది. ఇప్పటివరకు సేకరించిన సర్వే సమాచారంలో 20,86,707 నివాసాల డాటాను కంప్యూటరీకరించారు. ఈ సర్వేలో మొత్తం 1,17,89,076 నివాసాలు గుర్తించగా, మంగళవారం వరకు 1,10,18,102 నివాసాల్లో సర్వే పూర్తిచేసి 93.5 శాతానికి చేరుకుంది. 16 జిల్లాల్లో 100 శాతం, 13 జిల్లాల్లో 99 శాతం సర్వే పూర్తయింది. జీహెచ్‌ఎంసీలో కూడా సర్వే ముమ్మరంగా కొనసాగుతోంది.