సన్నీ డియోల్ ముఖ్య పాత్రలో గోపీచంద్ మలినేని ఓ చిత్రాన్ని తెరకెక్కిస్తున్న సంగతి తెలిసిందే. మైత్రీ మూవీ మేకర్స్, పీపుల్ మీడియా ఫ్యాక్టరీ పతాకాలపై ఈ సినిమాను నవీన్ యెర్నేని, వై.రవిశంకర్, టీజీ విశ్వప్రసాద్ నిర్మిస్తున్నారు. సమియా ఖేర్, రెజీనా కసాండ్రా ఇందులో కీలక పాత్రలు పోషిస్తున్నారు. ‘ఎస్‌డీజీఎం’గా ప్రచారంలో ఉన్న ఈ సినిమా షూటింగ్ శనివారం హైదరాబాద్‌లో ప్రారంభమైంది. కొన్ని కీలక సన్నివేశాలను ఈ మొదటి షెడ్యూల్‌లో షూట్ చేయనున్నారు. థమన్ సంగీత సారథ్యం వహిస్తున్న ఈ చిత్రానికి రిషి పంజాబీ సినిమాటోగ్రాఫర్‌గా పనిచేస్తున్నారు.