వెల్దుర్తి, అక్టోబర్ 18: ఉరేసుకొని యువకుడు ఆత్మహత్యకు పాల్పడిన ఘటన వెల్దుర్తి మండలం ఎల్కపల్లి గ్రామంలో చోటుచేసుకుంది. గ్రామానికి చెందిన కానికె శంకర్ (23) కుటుంబంలో ఇటీవల కలహాలు చోటుచేసుకుంటున్నాయి. దీంతో మనస్థాపానికి గురైన శంకర్ ఊరి చివరన ఉన్న చెట్టుకు శుక్రవారం ఉరేసుకొని ఆత్మహత్య చేసుకున్నాడు. సమాచారం అందుకున్న పోలీసులు ఘటనా స్థలానికి చేరుకొని పంచనామా నిర్వహించి మృతదేహాన్ని తూప్రాన్ ఆసుపత్రికి తరలించారు. కేసు దర్యాప్తు చేస్తున్నారు.