హాస్యనటుడు సుడిగాలి సుధీర్ హీరోగా నటిస్తున్న తాజాచిత్రం గోట్. ‘గ్రేటెస్ట్ ఆఫ్ ఆల్ టైమ్స్’ అనేది ఉపశీర్షిక. ఇందులో దివ్యభారతి హీరోయిన్‌గా నటిస్తోంది. మహాతేజ క్రియేషన్స్ అండ్ జైష్ణవ్ ప్రొడక్షన్స్ సంయుక్తంగా నిర్మిస్తున్న ఈ చిత్రానికి చంద్రశేఖర్‌రెడ్డి మొగుళ్ల నిర్మాత. ప్రస్తుతం చిత్రీకరణ దశలో ఉన్న ఈ చిత్రం నుంచి ‘బాసే హే నీలా ఉండే లక్కు మాకే లేదురా.. సెలబ్రిటీ నీకన్న ఎవడురా’ అనే లిరికల్ వీడియో సాంగ్‌ను విడుదల చేశారు చిత్ర యూనిట్.

హీరో క్యారెక్టర్ గురించి చెప్తూ సాగే ఇంట్రడక్షన్ సాంగ్ ఇది. ప్రముఖ గీత రచయిత కాసర్ల శ్యామ్ సాహిత్యం అందించిన ఈ పాటకు లియోన్ జేమ్స్ సంగీతాన్ని సమకూర్చారు. హీరో సుధీర్‌పై చిత్రీకరించిన ఈ పాటను ‘పుష్ప-2’ టైటిల్ సాంగ్ ఫేమ్ సింగర్ దీపక్ బ్లూ ఆలపించారు. నిర్మాత మాట్లాడుతూ.. ‘ఇప్పటివరకు ఎనభై శాతం షూటింగ్ పూర్తయింది. టాకీ పార్ట్ దాదాపు పూర్తి చేసుకున్నాం. యాక్షన్ ఎపిసోడ్స్, రెండు పాటల చిత్రీకరణ బ్యాలెన్స్ ఉంది. త్వరలో వాటిని కూడా చిత్రీకరిస్తాం’ అని తెలిపారు.