ఎమ్మెల్యే డాక్టర్ కవ్వంపల్లి

మానకొండూర్, జనవరి1 : పోటీ తత్వం తో ఆడినప్పుడే క్రీడల్లో విజయాలను సొం తం చేసుకోవచ్చని మానకొండూర్ శాసనస భ్యుడు డాక్టర్ కవ్వంపల్లి సత్యనారాయణ అన్నారు. బుధవారం బెజ్జంకి మండల కేంద్రంలో బెజ్జంకి క్రికెట్ అసోసియేషన్ (బీసీఏ) ఆధ్వర్యంలో నిర్వహిస్తున్న 47వ ఉమ్మడి జిల్లా స్థాయి ఎమ్మెల్యే క్రికెట్ టోర్న మెంట్‌ను ఆయన ప్రారంభించారు.

ఈ సందర్భంగా ఎమ్మెల్యే డాక్టర్ కవ్వంపల్లి సత్య నారాయణ మాట్లాడుతూ యువత విద్యతో పాటు క్రీడా రంగంలో రాణించాలన్నారు. నైపుణ్యాన్ని పెంచుకోవడం ద్వారా క్రీడల్లో సత్తా చాటవచ్చన్నారు. గ్రామీణ ప్రాంత యువకులు క్రికెట్‌లో చక్కటి ప్రదర్శన ద్వా రా గ్రామస్థాయి నుంచి జాతీయ స్థాయికి ఎదగాలని, తద్వారా మానకొండూర్ నియో జకవర్గానికి పేరు తెచ్చే విధంగా కృషి చేయా లని కోరారు.

క్రీడల్లో గెలుపు ఓటములు సహజమేనని, ఓటమి గెలుపునకు నాంది కావాలన్నారు. 47సంవత్సరాలుగా నిర్నిరో ధంగా క్రికెట్ టోర్నమెంట్లు నిర్వహించడం గొప్ప విషయమని ఆ నిర్వాహకులను కొని యాడారు.

ఈ కార్యక్రమంలో బెజ్జంకి వ్యవ సాయ మార్కెట్ కమిటీ చైర్మన్ పులి కృష్ణ, బ్లాక్ కాంగ్రెస్ అధ్యక్షుడు ఒగ్గు దామోదర్, మండల కాంగ్రెస్ అధ్యక్షుడు ముక్కిస రత్నా కర్ రెడ్డి, ఏఎంసీ వైస్ చైర్మన్ చిలువేరు శ్రీనివాస్ రెడ్డి, వర్కింగ్ ప్రెసిడెంట్ అక్కర వేణి పోచయ్య ముదిరాజ్, యూత్ కాంగ్రెస్ నియోజకవర్గ ప్రధాన కార్యదర్శి శరత్ కు మార్, లక్ష్మీనరసింహస్వామి ఆలయ చైర్మన్ జెల్ల ప్రభాకర్, యువజన కాంగ్రెస్ మండల అధ్యక్షుడు సందీప్,పార్టీ నాయకులు చెప్యా ల శ్రీనివాస్, పర్ష సంతోష్, ఎండీ జహంగీర్ తదితరులు పాల్గొన్నారు.